तीघ्रामा लुकाइएको सात किलो चरेशसहित महिला पक्राउ

बारा – लागुऔषध चरेश नेपालबाट भारततर्फ लाँदै गर्दा एक महिलालाई बारा प्रहरीले पक्राउ गरेको छ । बाराको मटियर्वास्थित नेपाल र भारतको सीमा क्षेत्रवाट शुक्रबार ती महिला पक्राउ परेकी हुन् ।  

पक्राउ पर्नेमा पर्सा पोखरिया नगरपालिका–४ सतवरिया बस्ने वर्ष ४१ की ललसादेवी रौनियार रहेको प्रहरी निरीक्षक सुरेन्द्र यादवले जानकारी दिए । ती महिलाले तीघ्रामा लुकाएर हिँड्दै गरेको अवस्थामा १४ पोकामा सात किलो चरेश रहेको प्रहरीले जनाएको छ । 

---

बरामद भएको चरेशको बजार मूल्य करिब पाँच लाखभन्दा बढी रहेको छ । पक्राउ परेकी ती महिलालाई जिल्ला अदालतबाट सात दिनको म्याद लिई थप अनुसन्धान भइरहेको निरीक्षक यादवले बताए ।