सर्लाहीमा लागू औषधसहित एक जना पक्राउ

सर्लाही – सर्लाहीको मलंगवा नगरपालिका ९ पिपलबोटस्थित सीमा इलाकाबाट लागू औषधसहित सशस्त्र प्रहरीले एक जनालाई पक्राउ गरेको छ । जिल्लाको बरहथवा नगरपालिका १ बस्ने २१ वर्षिय रोशन यादवलाई लागूऔषधसहित सशस्त्र प्रहरीले आइतबार पक्राउ गरेको हो ।

सशस्त्र प्रहरी बल नेपाल बोर्डर आउट पोष्ट (बीआपी) मलंगवाबाट खटेको सशस्त्र प्रहरीले शंका लागेर यादवलाई जाँच गर्दा उनको साथमा नोफिन ७९ वटा,
प्रोमेथाजिन हाईड्रोक्लोराईड ८० वटा र डाइजेल्याव ८० वटा फेला पारेको निरीक्षक सुमन शर्माले जानकारी दिए । ‘पक्राउ परेका यादवलाई बरामद लागू औषधसहित आवश्यक कारबाहीका लागि नेपाल प्रहरीसमक्ष बुझाइएको छ,’ शर्माले भने ।

---