बूढानीलकण्ठमा आगलागी, १५ लाख बराबरको धनमाल नष्ट

काठमाडौँ – बूढानीलकण्ठ नगरपालिका–४ स्थित एक घरमा आगलागी हुँदा १५ लाख रूपैयाँ बराबरको धनमाल जलेर नष्ट भएको छ । स्थानीय पासिकोट शिवमन्दिरनजिक बस्ने ४३ वर्षीय दिलसेन खड्काको घरमा ग्याँस सिलिन्डर पड्किएर शुक्रबार राति आगलागी भएको हो ।

आगलागी हुँदा अन्नपात, लत्ताकपडा, भाँडावर्तन र नगद एक लाख ५० हजार रूपैयाँसहित १५ लाख रूपैयाँ बराबरको धनमाल जलेर नष्ट भएको प्रहरी प्रधान कार्यालयले शनिबार संकलन गरेको विवरणमा उल्लेख छ ।
 

---