जबर्जस्ती करणी अभियोगमा दुई जना पक्राउ

पर्सा - १६ वर्षीया किशोरीलाई जबर्जस्ती करणी गरेको अभियोगमा प्रहरीले दुई जनालाई पक्राउ गरेको छ । पक्राउ पर्नेहरूमा वीरगञ्ज महानगरपालिका–२१ बस्ने २० वर्षीय विकर ठाकुर हजाम र सोही ठाउँ बस्ने २५ वर्षीय अनिल महतो कोइरी रहेका छन् ।

कात्तिक ९ गते बिहान किशोरी ट्युसन पढ्न जाने क्रममा उनीहरूले बाटो ढुकी तानेर फोटो स्टुडियोभित्र लगी जबरजस्ती करणी गरेको प्रहरीले जनाएको छ । उक्त खबर प्राप्त हुनासाथ जिल्ला प्रहरी कार्यालय पर्साबाट खटिएको टोलीले बिहीबार साँझ उनीहरूलाई पक्राउ गरेको हो । पक्राउ परेका उनीहरूलाई जबर्जस्ती करणी उद्योग कसूरमा जिल्ला अदालत पर्साबाट सात दिन म्याद थप गरी आवश्यक अनुसन्धान भइरहेको पर्सा प्रहरीले जनाएको छ ।

---