लागूऔषधसहित सशस्त्र प्रहरीद्वारा एक जना पक्राउ

कञ्चनपुर – विभिन्न किसिमका लागूऔषधसहित सशस्त्र प्रहरीले एक जनालाई पक्राउ गरेको छ । पक्राउ पर्नेमा कैलालीको धनगढी उपमहानगरपालिका- ३ बस्ने २३ वर्षीय विजय नेपाली रहेका छन् ।  

कञ्चनपुरस्थित पुनर्बास नगरपालिका ११ डोके बजारबाट उनी पक्राउ परेका हुन् । भारतबाट नेपालतर्फ आउँदै गरेका उनलाई सशस्त्र प्रहरी बल नेपाल बोर्डर आउट पोष्ट डोके बजारबाट खटिएको सशस्त्र प्रहरीले शंका लागि जाँच गर्दा उनको साथमा नाईट्रोभेट ट्याब्लेट १० वटा र प्रोक्सीवेल  स्पास ट्याब्लेट ४२ वटा फेला पारेको हो ।बरामद लागूऔषधसहित उनलाई आवश्यक कारबाहीका लागि नेपाल प्रहरीसमक्ष बुझाइएको छ ।

---