प्रधान सेनापतिद्वारा पूर्वीकमाण्ड हेडक्वाटरकाे निरीक्षण

धनकुटा – नेपाली सेनाका प्रधान सेनापति प्रभुराम शर्माले पूर्वीकमाण्ड हेडक्वाटर हिले तथा बरख गणको निरीक्षण भ्रमण गरेका छन् । भ्रमणका क्रममा प्रधान सेनापतिले पूर्वीकमाण्ड हेडक्वाटरमा फौजको तैनाथीको वर्तमान अवस्था, जिम्मेवार इलाकामा कमाण्ड अवधारणाको समयसीमासहित कार्यान्वयन योजना र प्रदेशहरूसँगको समन्वयको व्यवस्थालगायतका विषयहरूमा जानकारी लिएका छन् । साथै शर्माले सकलदर्जाहरूलाई सम्बोधनसमेत गरेका छन् । 

शर्माले बुधबार मकवानपुरको भीमफेदीस्थित चिसापानी गढीको संरक्षण, प्रवर्द्धन तथा व्यवस्थापनका लागि स्थापना हुन लागेको गढी संरक्षण तथा सौन्दर्यीकरण आयोजनाको शिलान्यास कार्यक्रम सम्पन्न गरी काठमाडौं फिर्ता हुने योजना रहेको सेनाले जनाएको छ ।

---