सिरहामा सालको अवैध काठ बरामद

सिराहा – डिभिजन वन कार्यालय सिराहा लहानले सालको अवैध काठ बरामद गरेको छ । मिर्चैया नगरपालिका–९ पुलिसपट्टामा करिब तीन लाख मूल्य बराबरको ५१ थान सालको चिरान सशस्त्र वन रक्षकको टोलीले बरामद गरेको हो ।

चुरे क्षेत्रको बाटोहुँदै अवैध रूपमा काठ ल्याउँदै गरेको सूचनाका आधारमा टोलीले काठ बरामद गरेको डिभिजन वन कार्यालय लहानका डिभिजन वन अधिकृत सुभाषचन्द्र दासले बताए ।

---

बरामद काठ जंगल क्षेत्रमा छरिएको अवस्थामा फेला परेको दासले जानकारी दिए । बिक्रीका लागि काठ राखेको भन्ने थाहा पाएपछि त्यहाँ पुग्दा काठ छरेर राखेको पाइएको वन अधिकृत दासले बताए । काठको नापजाँच र तस्करहरूबारे अनुसन्धान भइरहेको दासको भनाइ छ ।