लम्कीस्थित पूर्वपश्चिम राजमार्गमा स्थानीयबासीको पुनः अवरोध

कैलाली – कैलालीमा एक युवाको हत्या भएपछि आक्रोशित स्थानीयबासीले लम्कीस्थित राजमार्गमा पुनः अवरोध गरेका छन् । हत्यामा संलग्न सबैलाई प्रहरीले पक्राउ गरी कारबाही र अनुसन्धानको प्रक्रिया सुरु गरेपछि राजमार्ग खुलाउन स्थानीयबासी सहमत भएकाले बुधबार बिहान लामो तथा छोटो दूरीका सवारी साधन चलेका थिए । 

सम्भावित तनावलाई मध्यनजर गर्दै सो स्थानमा बुधबार दिउँसो परिचालित नेपाली सेनाको गाडीमाथि स्थानीयबासीले ढुंगा प्रहार गरेपछि सार्वजनिक तथा निजी सवारी साधन सञ्चालन हुन सकेका छैनन् । 

---

अपराह्न स्थानीयबासीले सेनाको गाडीमा ढुंगा प्रहार गरेपछि राजमार्गमा सवारी सञ्चालन पुनः रोकिएको हो । स्थनीयको हत्या भएको घटनामाथि सेनाले हस्तक्षेप गरेको भन्दै आक्रोशित स्थानीयले सेनाको गाडीमा ढुंगा प्रहार गरेपछि प्रहरीले केही शेल अश्रुग्यास प्रहार गरेको छ । मंगलबार राति खुकुरी प्रहारबाट लम्कीचुहा नगरपालिका–१ का भुपेन्द्र बडुवालको हत्या भएपछि स्थानीबासी सडकमा उत्रिएका हुन् ।