लागूऔषधसहित पोखराबाट दुई जना पक्राउ

पोखरा – पोखरामा प्रहरीले लागूऔषधसहित दुई व्यक्तिलाई पक्राउ गरेको छ । पक्राउ पर्नेहरूमा पोखरा महानगरपालिका–९ नयाँबजार बस्ने लमजुङ
दोर्दी गाउँपालिका–७ घर भएकी ३१ वर्षीया प्रेमा गुरुङ र गुल्मी मालिका गाउँपालिका–२ घर भएकी ३१ वर्षीया कोपिला अर्याल छन् ।

उनीहरूका साथबाट प्रहरीले लागूऔषध डाइजेपाम ७४ एम्पुल, ब्रुफिनुर्फिन ७० एम्पुल र फेनेरागन ७२ एम्पुल बरामद गरेको छ । 

---

जिल्ला प्रहरी कार्यालय कास्कीबाट खटिएको प्रहरीले शंकास्पद अवस्थामा फेला पारी जाँच गर्दा उनीहरूको साथबाट उक्त परिमाणको लागूऔषध फेला पारी पक्राउ गरेको हो । उनीहरू उपर कास्की जिल्ला अदालतबाट लागूऔषधसम्बन्धी मुद्दामा ८ दिन म्याद थप गरी अनुसन्धान प्रकृया अगाडि बढाइएको जिल्ला प्रहरी कार्यालय कास्कीले जनाएको छ ।