लागूऔषधसहित सशस्त्र प्रहरीद्वारा दुई जना पक्राउ

सप्तरी- विभिन्न किसिमका लागूऔषधसहित सशस्त्र प्रहरीले बिहीबार दुई जनालई पक्राउ गरेको छ । पक्राउ पर्नेमा सोही जिल्लाको रुपनी गाउँपालिका ६ बस्ने २६ वर्षीय श्यामकुमार विश्वकर्मा र २४ वर्षीय दिपेश चौधरी छन् ।

उनीहरूलाई सप्तरीको छिन्नमस्ता गाउँपालिका ३ भन्सार इलाकाबाट पक्राउ गरिएको सशस्त्र प्रहरीले जनाएको छ । स ५ प ६९६० नम्बरको मोटरसाइकलमा सवार उनीहरूप्रति शंका लागेर सशस्त्र प्रहरी बल नेपाल नम्बर ६ गण सप्तरीबाट खटिएको टोलले जाँच गर्दा उनीहरूका साथबाट डाइजेपाम ६ एम्पुल, फेनेगन ६ एम्पुल र लीगेसिक ६ एम्पुल फेला पारेको हो । त्यसबेला उक्त मोटरसाइकल समेत बरामद गरिएको हो । 

---

पक्राउ परेका दुवै जनालाई बरामद लागूऔषध तथा मोटरसाइकलसहित आवश्यक कारबाहीका लागि नेपाल प्रहरीलाई बुझाइएको सशस्त्र प्रहरीले जनाएको छ ।