महोत्तरीमा तासको खालबाट १० जना पक्राउ

महोत्तरी – महोत्तरीको बर्दिबासमा तासको खालबाट १० जुवाडेलाई प्रहरीले नियन्त्रणमा लिएको छ । बर्दिबास नगरपालिका–१ स्थित न्यौपाने खाजा घरमा तास  खेलिरहेको अवस्थामा १० जनालाई बिहीबार बिहान नियन्त्रणमा लिएको जिल्ला प्रहरी कार्यालय महोत्तरीले जनाएको छ ।

पक्राउ पर्नेमा बर्दिबास नगरपालिका–१ बस्ने ४० वर्षीय दीपक शर्मा, ३५ वर्षीय नवराज तिमल्सिना, ४२ वर्षीय प्रकाश न्यौपाने, २४ वर्षीय सुरज खड्का, ३७ वर्षीय दीपक न्यौपाने रहेका छन् ।

---

यस्तै बर्दिबास–३ बस्ने ३९ वर्षीय धनबहादुर वाइबा, ४० वर्षीय डोरमणि ढकाल, २७ वर्षीय राजीव थापा, २४ वर्षीय सुजन आचार्य र सिन्धुली तीनपाटन नगरपालिका– ३ का ३७ वर्षीय टिका हायूलाई पक्राउ गरिएको प्रहरीले जनाएको छ ।

जुवातास खेलिरहेको भन्ने खबर प्राप्त हुनासाथ इलाका प्रहरी कार्यालय बर्दिबासबाट खटिएको प्रहरीले उनीहरूलाई नगद ५४ हजार ५ सय १५ रूपैयाँ र एक बुङ ताससमेत बरामद गरिएको जिल्ला प्रहरी कार्यालय महोत्तरीले जनाएको छ । पक्राउ परेकाहरूलाई अहिले इलाका प्रहरी कार्यालय बर्दिबासमा राखिएको छ । शुक्रबार नै उनीहरूलाई जिल्ला प्रहरी कार्यालय जलेश्वर पठाइने प्रहरीले जनाएको छ ।