रौतहटमा कार दुर्घटना हुँदा चार जनाको मृत्यु

गौर - रौतहटमा कार दुर्घटना हुँदा चार जनाको मृत्यु भएको छ । सदरमुकाम गौर–चन्द्रनिगाहपुर सहायक सडकमा यमुनामाई गाउँपालिकाको झुन्खुन्वाचोकमा भारतीय नम्बरको कार दुर्घटना हुँदा चार जनाको मृत्यु भएको प्रहरीले जनाएको छ । ज्यान गुमाउनेको नाम खुल्न बाँकी छ ।

चन्द्रनिगारपुरबाट शनिबार राति १०ः१५ बजेको समयमा तीव्र गतिमा आउँदै गरेको यूके १२ सी २९०० नम्बरको कार झुन्खुवाचौक पेट्रोलपम्प नजिक अनियन्त्रित भएर दुर्घटना भएको प्रहरीको भनाइ छ । 

---

दुर्घटना भएको कार पोखरीमा खसेको थियो । कारभित्र रहेकाकाे उद्धार गरिएपनि मृत्यु भएको प्रहरीले जनाएको छ । दुर्घटनाबारे थप अनुसन्धान भइरहेको छ ।