मुस्ताङमा हिउँ पहिरो : भागदौड हुँदा नौ जना घाइते (भिडियोसहित)

काठमाडौँ – मुस्ताङमा हिउँ पहिरो खस्दा नौ जना घाइते भएका छन् । हिउँ पहिरो आएको देखेपछि भाग्दा नौ जना सामान्य घाइते भएको मुस्ताङका प्रमुख जिल्ला अधिकारी नेत्रप्रसाद शर्माले इकागजलाई जानकारी दिए ।  

‘बस्तीबाट केही टाढा पहिरो खसेको भएर केही क्षति भएको छैन,’ उनले भने, ‘तर, पहिरो खसेको देखेपछि भाग्ने क्रममा नौ जना सामान्य घाइते भएका छन् । चरन क्षेत्रमा पहिरो खसेकोले केही चौँरीहरु पहिरोमा पर्न सक्ने अनुमान गरिएको प्रजिअ शर्माले बताए ।  शर्माले अहिले पहिरो खसेर जमेको हिउँ पग्लिनेक्रम जारी रहेको पनि बताए ।

---