लागूऔषधसहित विराटनगरबाट एक जना पक्राउ

मोरङ - विराटनगर महानगरपालिका १६ दरैयाबाट लागूऔषधसहित एक जनालाई प्रहरीले पक्राउ गरेको छ । पक्राउ पर्नेमा गोर्खा सहिद गाउँपालिका ७ का २२ वर्षीय  मनिष श्रेष्ठ रहेका छन् ।

सोमबार बिहान ११ बजे इलाका प्रहरी कार्यालय रानीबाट खटिएको प्रहरी टोलीले उनलाई नाइट्राभेट २ सय ८४ ट्याब्लेट, डाइजापाम ७७ एम्पुल, लुपिजेसिक ७७ एम्पुल र एभिल २३ एम्पुलसहित पक्राउ गरेको हो । पक्राउ परेका उनीमाथि इलाका प्रहरी कार्यालय रानीबाट थप अनुसन्धान भइहेको प्रहरीले जनाएको छ ।

---