लागूऔषधसहित एक युवक पक्राउ

जनकपुरधाम – लागूऔषधसहित एक युवकलाई  पर्सा प्रहरीले पक्राउ गरेको छ । पक्राउ पर्नेमा धोबिनी गाउँपालिका २ निवासी वर्ष २६ का दिवाकरकुमार साह छन् ।जिल्लाको छिपरमाई गाउँपालिका ४ स्थित बञ्जारी पुलनजिक भारतबाट नेपालतर्फ आउँदै गरेको ना. ४५ प ११६४ नम्बरको मोटरसाइकल रोकेर चेकजाँच गर्ने क्रममा प्रहरीले साहका साथबाट नुफ्रिन ४५० एम्पुल, डाइजोपाम ४५० एम्पुल र प्रोमिफाइजाम हाइड्रोकोलोराइड ४५० एम्पुल गरी जम्मा १ हजार ३ सय ५० एम्पुल फेला पारेको हो ।

प्रहरी नियन्त्रणमा रहेका साहविरूद्ध लागुऔषधसम्बन्धी कसूरमा अनुसन्धान अगाडि बढाइएको प्रहरी प्रवक्ता ओमप्रकाश खनालले बताए ।

---