कनकाइ प्लाइ फ्याक्ट्रीको आगलागी नियन्त्रण

झापा - झापाको बिर्तामोड नगरपालिका २ चैतुवारीस्थित एक प्लाइ फ्याक्ट्रीमा भएको आगलागी नियन्त्रणमा आएको छ । सशस्त्र प्रहरी, नेपाल प्रहरी र स्थानीय बासिन्दाले ६ वटा दमकलको सहयोगमा आगो नियन्त्रणमा ल्याएका हुन् ।

सोही ठाउँ बस्ने विकास गोयलले सञ्चालन गरेको कनकाइ प्लाइ फ्याक्ट्रीको गोदाममा विधुतीय तार सर्ट भई आगलागी भएर करिब ४ करोड ५० लाख रूपैयाँ
बराबरको क्षति भएको बताइएको छ । सो घटनाबारे जानकारी पाउनासाथै सशस्त्र प्रहरी बल नेपाल सुरक्षा वेश शनिश्चरेबाट सशस्त्र प्रहरी नायव निरीक्षक श्याम लिम्बुको कमान्डमा टोली परिचालन गरिएको थियो ।

---