युट्युबमा अश्लिल भिडियो हाल्ने युवा पक्राउ

काठमाडौं - प्रहरीले अश्लिता झल्कने भिडियो प्रसारण गरेको अभियोगमा बुढानिलकण्ठ नगरपालिका–४ बस्ने २१ वर्षीय युवा भरतबहादुर तिरुवालाई पक्राउ गरेको छ । तिरुवालाई युट्युब च्यानलमार्फत अश्लिल शीर्षकमा भिडियो प्रसारण गरेको अभियोग प्रहरीको छ । तिरुवा कालिकोट झरना गाउँपालिका–९ का बासिन्दा हुन् । 

नेपाल प्रहरीको साइबर ब्यूरो भोटाहिटीका अनुुसार, ‘टेन्सन ब्रो’ नामक युट्यबमा समाजमा अश्लील क्रियाकलाप फैलाउने किसिमका भिडियो बनाएको पाइएको छ । सामाजिक सञ्जालमा प्रसारण गरी विद्युतीय कारोबार ऐन, २०६३ अन्तर्गतको कसूर गरेको अभियोगमा पक्राऊ गरिएको हो । जिल्ला अदालत काठमाडौंबाट ५ दिन म्याद थप गरी आवश्यक अनुसन्धान गरिरहेको छ ।
 

---