दुर्लभ जिउँदो सालकसहित पक्राउ

काठमाडौं - काठमाडौं महानगरपालिका ३२ मरुछासपाखा बस्ने दोलखा कालिञ्चोक गाउँपालिका ६ लिफ्‍टुङ ठेगाना भएका २६ वर्षीय उद्धव थामीलाई ३ किलो तौल भएको प्रतिबन्धित दुर्लभ जिउँदो सालक सहित बिहीबार प्रहरीले पक्राउ गरेको छ ।

काठमाडौं मरुछासपाखा एरियामा केही व्यक्तिहरुले दुर्लभ सालक अवैध रुपमा बिक्री वितरण गर्नको लागि लुकाई राखेको भन्ने विशेष सूचनाको आधारमा महानगरीय अपराध महाशाखाबाट खटिएको प्रहरीले मरुछासपाखास्थित थामीको डेराबाट करिब १ करोड १० लाख रुपैयाँमा बिक्री गर्ने उद्देश्यले लिई आएको उक्त सालक फेला पारी उनलाई पक्राउ गरेको हो ।

---

उनलाई आवश्यक कारवाहीको लागि जिल्ला बन कार्यालय हात्तिसार काठमाडौं पठाइएको महानगरीय अपराध महाशाखाले जनाएको छ ।