फेसबुक ह्‍याक गरी रकम ठगी गरेको अभियोगमा युवक पक्राउ

काठमाडौं - विभिन्न व्यक्तिहरुकाे फेसबुक ह्‍याक गरी रकम ठगी गरेको अभियोगमा एक युवक पक्राउ परेका छन् ।

फेसबुक ह्‍याक गरी रकम मागी अनलाइन ठगी गरेको अभियोगमा भक्तपुर गठ्ठाघर बस्ने मोरङ पथरी शनिश्वरे नगरपालिका–१० मंगलबारे घर भएका १८ वर्षीय युवकलाई सोमबार प्रहरीले पक्राउ गरेको हाे । 

---

सर्वसाधारण लगायत उच्चपदस्थ व्यक्तिहरुका फेसबुक आईडी ह्‍याक गरी आईडीमा भएका साथीहरुसँग विभिन्न बहाना बनाई पैसा मागेर अनलाइन ठगी गरेकाे आरोपमा उनलाई प्रहरीले पक्राउ गरेको हो ।

उनी उपर ठगीसम्बन्धी कसुरमा आवश्यक अनुसन्धान तथा कारबाहीका लागि महानगरीय प्रहरी परिसर टेकु काठमाडौँ पठाइएको महानगरीय अपराध महाशाखाले  जनाएकाे छ।