३३ किलो सुन प्रकरणका गोरेका भाइ २ लाख धरौटीमा रिहा

काठमाडौँ –  साढे ३३ किलो सुन प्रकरण र मोरङका सनम शाक्यको हत्या घटनाका अभियुक्त रमेश उप्रेती २ लाख रुपैयाँ धरौटी बुझाएर छुटेका छन् । जिल्ला अदालत मोरङले २ लाख रुपैयाँ धरौटीमा रिहा गर्न आदेश दिएसँगै उनी छुटेका हुन् ।  

सुन तस्करी र शाक्य हत्या प्रकरणका मुख्य नाइके गोरे भनिने चूडामणि उप्रेतीका भाइ रमेशलाई बिहीबार छुटेका हुन् ।  अदालतले २ लाख धरौटी लिएर तारेखमा मुद्दा राखी पुपक्षका लागि थुनछेकको आदेश जारी गरेको हो ।  मोरङ जिल्ला अदालतका न्यायाधीश भरत लम्सालको इजलासले उप्रेतीलाई छोड्ने आदेश जारी गरेको हो। 
 
 उप्रेती मंगलबार त्रिभुवन अन्तर्राष्ट्रिय विमानस्थलबाट पक्राउ परेका थिए ।  

---