ब्राउन सुगरसहित दुई जना पक्राउ

कञ्चनपुर - कञ्चनपुरमा ब्राउन सुगरसहित दुई जना पक्राउ परेका छन् । पक्राउ पर्नेमा पुनर्वास नगरपालिका ६ बस्ने २१ वर्षीय सुशिल ओझा र २६ वर्षीय राज
बहादुर सुनार रहेका छन् ।

पुनर्वास नगरपालिका ६ स्थित सीमा इलाकाबाट शुक्रबार सशस्त्र प्रहरीले करिब एक ग्राम लागुऔषध ब्राउन सुगरसहित उनीहरुलाई पक्राउ गरेको हाे ।

---

सु.प्र.प. ०१–००८ प ९७३१ नम्बरको मोटरसाइकलमा सवार उनीहरुलाई सशस्त्र प्रहरी बल नेपाल बोर्डर आउट पोष्ट पुनर्वासबाट खटिएको टोलीले शंका लागि
जाँच गर्दा उक्त परिमाणमा लागुऔषध ब्राउन सुगर बरामद भएकाे हाे ।

त्यसबेला उनीहरुले प्रयोग गरेको उक्त मोटरसाईकल समेत प्रहरीले नियन्त्रणमा लिएकाे छ । पक्राउ परेका दुवै जनालाई बरामद ब्राउन सुगर तथा मोटरसाइकलसहित आवश्यक कारवाहीको लागि जिल्ला प्रहरी कार्यालय कञ्चनपुरमा बुझाइएकाे छ ।