घोडाहा जंगलमा महिला र बालिकाकाे शव भेटियो

बुटवल । रुपन्देहीको देवदह नगरपालिकाको घोडाहा जंगलमा एक महिला र एक बालिकाको शव फेला परेकाे छ ।

इलाका प्रहरी कार्यालय देवदहका प्रमुख प्रहरी निरीक्षक गंगा सारुले एक अधवैंशे महिला र अन्दाजी ७ वर्षीया बालिकाको शव फेला परेकाे जानकारी दिए ।

---

उनले भने, 'पुर्वपश्चिम राजमार्गको छेउ जंगलमा मंगलबार दिउँसो एक महिला र एक बालिका शव भेटिएको हो।'

शवको प्रकृति हेर्दा बालिकाको घांटी रेटेर हत्या गरेर फालिएको हुन सक्ने प्रहरीले अनुमान गरेकाे छ । शवको पहिचान हुन नसकेको र घटनाको अनुसन्धान भइरहेको प्रहरी निरीक्षक सारुले बताए ।