काठमाडौँमा घरेलु मदिरा उत्पादन गर्ने सात भट्टी नष्ट

काठमाडाैँ – काठमाडौँ तारकेश्वर नगरपालिका–९ मनमैजुस्थित पाखो बारीमा जस्तापाता/बाँसले बेरेर बनाइएको टहरामा अवैधरूपमा घरेलु मदिरा उत्पादन गरिएको पाइएको छ । यसरी मदिरा उत्पादन गर्ने सातवटा भट्टी आज नष्ट गरिएको प्रहरीले जनाएको छ ।
 
आन्तरिक राजश्व कार्यालय बालाजुका प्रतिनिधि, तारकेश्वर नगरपालिकाका प्रतिनिधि तथा स्थानीयवासीको रोहबरमा भट्टी नष्ट गरिएको महानगरीय प्रहरी परिसर काठमाडाैँले जनाएको छ ।

उत्पादन गर्ने व्यक्तिको खोजी जारी रहेको जनाइएको छ । प्रहरीले सात हजार लिटर तयारी घरेलु मदिरा र १५ हजार लिटर कच्चापदार्थ नष्ट गरेको छ ।

---