सीसीएमसीद्वारा जोर-बिजोर हटाउन सिफारिस

काठमाडौँ- काठमाडौँ उपत्यकामा लागू भएको जोरबिजोर प्रणाली हट्ने भएको छ । उपत्यकाका  उपत्यकामा शजिल्ला प्रशासन कार्यायलाई कोभिड-१९ संकट व्यवस्थापन केन्द्र(सीसीएमसी) ले जोर-बिजोर प्रणाली हटाउन सिफारिस गरेको हो ।

सीसीएमसीकी प्रवक्ता सुनिता नेपालले जोर-बिजोर प्रणाली हटाउन सिफारिस गरेको बताइन् । पछिल्लो समय संक्रमणदर कम भएकाले केही खुकुलो पार्दै लैजाने गरी जिल्ला प्रशासन कार्यालयलाई सिफारिस गरिएकाे उनले जानकारी दिइन् ।

---

यसअघि उपत्यकाको जिल्ला प्रशासन कार्यालयले सार्वजनिक यातायातमा लागेको जोरबिजोर प्रणाली हटाएको थियो । तर, ट्याक्सी र निजी सवारीसाधनमा जोर-बिजोर प्रणाली यथावत थियो ।

रात्रीकालीन व्यवसाय सञ्चालन गर्न समय तोकिने उनले प्रष्ट पारिन् । अन्य गतिविधिहरू भने यसअघि जिल्ला प्रशासन कार्यालयले गरेको निर्णयअनुसार हुने प्रवक्ता नेपालले बताइन् ।