हुण्डीको एक करोडसहित तीन जना पक्राउ

काठमाडौं : स्रोत नखुलेको एक करोड रूपैयाँसहित तीन जनालाई प्रहरीले पक्राउ गरेको छ । सोमबार साँझ काठमाडौंको ओमबहाल चोकबाट झापाका विकास मित्तल, झापाका कमल मित्तल र पर्वतका गणेश पौडेललाई केन्द्रीय अनुसन्धान ब्यूरोले पक्राउ गरेको हो । विकास र कमल दाजुभाइ हुन् ।

पक्राउ परेकाहरुको साथबाट अवैध रुपमा हुण्डीमार्फत कारोबार गरेको १ करोड रुपैयाँ बरामद गरिएको केन्द्रीय अनुसन्धान ब्यूरोका डिआईजी सहकुल थापाले इकागजलाई जानकारी दिए ।

---

ओमबहालमा मोबाइलका पार्ट्सको पसल रहेको छ । उक्त पसलबाट ९९ लाख ८४ हजार नेपाली रुपैयाँ  र ८ सय अमेरिकी डलर बरामद गरिएको हो ।