गोरखाको हिमालय माध्यमिक विद्यालय भवनको उद्घाटन

गोरखा : गोरखाको सहिद लखन गाउँपालिका–६ घैरुङमा निर्माण गरिएको हिमालय माध्यमिक विद्यालयको नयाँ भवनको उद्घाटन गरिएको छ । भारत सरकारको ४ करोड ३३लाख रुपैयाँ आर्थिक सहयोगमा निर्मित विद्यालयको भारतीय राजदूतावासका प्रशासन प्रमुख करुण वंशल, जिल्ला समन्वय समिति गोरखा, विद्यालय व्यवस्थापन समिति तथा स्थानीय प्रतिनिधिहरूले बुधबार संयुक्तरूपमा उद्घाटन गरेका हुन् ।

‘नेपाल-भारत विकास सहकार्य’ कार्यक्रम अन्तर्गत निर्मित तीन तल्ले नयाँ विद्यालय भवनमा १८ वटा कक्षा कोठा, विज्ञान प्रयोगशाला, प्रशासन, शिक्षक र प्रधानाध्यापकका लागि एक-एकवटा कक्ष र छात्र छात्राका लागि छुट्टाछुट्टै सरसफाई संरचना रहनेछन् ।
 

---