दूतावासको सामग्री लिएर आयो अमेरिकन एयर फोर्सको जहाज

काठमाडौँ- 'युएस एयर फोर्स किन आएछ त एका बिहानै नेपाल ?' फेसबुकमा  पूर्व बाल सैनिक लेनिन बिष्‍टले लेखेका छन् । यो समाचार तयार पार्दासम्म उनको फेसबुक प्रोफाइलमा भएको उक्त फोटोमा एक सय बढीले कमेन्ट र २ सय ७ जनाले सेयर गरिसकेका छन् ।

केही समयअघि नेपालमा मिलिनियम च्यालेन्ज कर्पोरेशनको विरोध भएको थियो । संसद्‌बाट एमसीसी पास नभए सम्म अमेरिकी सैनिक आउने भनेर विरोध भयो । त्रिभुवन अन्तर्राष्‍ट्रिय विमानस्थल परिसरमा शुक्रबार बिहान अवतरण गरेको युएस फोर्सको जहाज पार्किङ गरिएको थियो ।

---

सामाजिक सञ्जालमा युएस फोर्सको अहिले उक्त फोटो र भिडियो भाइरल भएको छ । इकागजले जहाजको फोटो भाइरल भएपछि विमानस्थलका अधिकारीलाई सम्पर्क गरेको थियो ।

त्रिभुवन विमानस्थल नागरिक उड्डयन कार्यालयका निर्देशक टेकनाथ सिटौलाले युस एयर फोर्सको जहाज आएको उनले जानकारी दिए । उनका अनुसार आज बिहान आएको थियो ।

जहाजले दूतावासको सामग्री ल्याएको हुन सक्ने सिटौलाको भनाइ छ । डिप्लोम्याटको सामग्री हुन सक्छ,' उनले भने,' जहाजमा के-के ल्याइएको थियो । त्यसबारेमा जानकारी छैन । सबा ११ बजेतिर जहाज फर्किसकेको छ ।'