अवैध भारतीय रुपैयाँसहित कन्हैया लाल विमानस्थलबाट पक्राउ

काठमाडौँ- अवैध भारतीय रुपैयाँसहित त्रिभुवन अन्तर्राष्‍ट्रिय विमानस्थलबाट एक भारतीय नागरिक पक्राउ परेका छन् । आधार कार्ड नम्बर ४५३९७५३४०९८३ भएका ३२ वर्षीय भारतीय नागरिक कन्हैया लाललाई नियन्त्रणमा लिइएको अन्तर्राष्‍ट्रिय विमानस्थल सुरक्षा कार्यलयले जनाएको छ ।

प्लाष्टिक झोलामा नेपालमा प्रतिबन्धित भारतीय रुपैयाँ ५०० को २१७ थानले जम्मा भारतीय रुपैयाँ एक लाख आठ हजार पाँच सय तथा नेपाली रुपैया १००० को ६१४  थानले ६ लाख चाैध हजार र ५०० को ८० थानले नेपाली रुपैयाँ ४० हजार गरी ६ लाख ५४ हजार लुकाई छिपाई भारततर्फ लैजान लागेको अवस्थामा फेला पारिएको विमानस्थल सुरक्षा कार्यालयले जानकारी दिएको छ ।  

---

मंगलबार काठमाडौँबाट भारततर्फ इन्डिगो जहाजमार्फत जान लाग्दा लालको डेल ब्यागलाई एक्सरे मेसिनले अवैध सामग्री रहेको जनाएको थियो । आवश्यक अनुसन्धान एवं कानूनी कारबाहीको लागि राजश्‍व अनुसन्धान विभाग, हरिहर भवन पुल्चोक, ललितपुरमा पठाइएकाे विमानस्थलका प्रवक्ता हिमालय कुमार श्रेष्ठले जानकारी दिए ।