मेसेडोनियासँग स्तब्ब बन्यो जर्मनी

काठमाडौँ : विश्वकप छनौट फुटबलमा जर्मनी कमजोर मानिएको टिम मेसेडोनियासँग पराजित भएको छ । बुधबार राती भएको खेलमा जर्मनी युरोपेली क्षेत्रको छनौट अन्तर्गत समूह जे मा उत्तरी मेसेडोनियासँग २-१ गोलले पराजित भएको हो ।

मेसेडोनियाका लागि पान्डेव र एल्मासले विजयी गोल गरे । जर्मनीका लागि गुण्डोगानले एक गोल मात्रै गर्न सके । पराजित भएको जर्मनी ३ खेलबाट ६ अंकसहित तेस्रो स्थानमा छ । समान ६ अंकसहित उत्तरी मेसेडोनिया दोस्रो स्थानमा उक्लिएको छ । 

---

बुधबार राति नै भएका खेलमा अर्मेनिया, आइसल्याण्ड विजयी भएका छन् । अर्मेनियाले रोमानियालाई ३-२ र आइसल्याण्डले लिचेस्टाइनलाई ४-१ ले गोलले पराजित गरेका हुन् । यो समूहमा अर्मेनिया ९ अंकसहित शीर्ष स्थानमा छ ।