पोखरा स्पोर्ट्स अवार्ड असारमा हुने

पोखरा - छैटौं संस्करणको ‘पोखरा स्पोर्ट्स अवार्ड’ असार १८ गते हुने भएको छ ।

खेलकुद पत्रकार मञ्च गण्डकी प्रदेशको आयोजनामा हुने अवार्ड खेलकुद पत्रकार दिवसको सन्दर्भ पारेर  गर्न लागिएको हो । 

---

अवार्ड कार्यक्रमलाई व्यवस्थित बनाउन मञ्चका अध्यक्ष दीननाथ बरालको संयोजकत्वमा मूल आयोजक समिति गठन गरिएको छ । 

कार्यक्रमलाई भव्य बनाउन सबैको साथ सहयोग आवश्यक रहेको अध्यक्ष बरालको भनाई छ । ‘खेल क्षेत्रमा अगाडि बढ्ने खेलाडीलाई उत्प्रेरणा प्रदान गर्नको लागि अवार्ड कार्यक्रम गर्न लागेका हौं, सबैको साथ र सहयोगमा अवार्ड कार्यक्रमलाई सम्पन्न गर्नेछौं’ अध्यक्ष बरालले भने । 

पोखरा सभागृह हलमा हुने कार्यक्रम मार्फत मञ्चले लाइफटाइम अचिभमेन्ट अवार्ड, वर्ष खेलाडी पुरुष, वर्ष खेलाडी महिला, उदीयमान खेलाडी, उत्कृष्ट प्रशिक्षक, उत्कृष्ट खेल संघ र उत्कृष्ट खेल पत्रकारलाई अवार्ड अर्पण गर्नेछ ।