एन्फाका पूर्व कार्यवाहक अध्यक्ष श्रेष्ठको प्रतिमा अनावरण

काठमाडौँ – अखिल नेपाल फुटबल संघ (एन्फा) का पूर्व कार्यवाहक अध्यक्ष ललितकृष्ण श्रेष्ठको सातौं वार्षिक तिथिका दिन प्रतिमा अनावरण गरिएकाे छ । एन्फाले श्रेष्ठको सम्झनामा विशेष कार्यक्रम आयोजना गरेको हो । 

ललितकृष्णकी श्रीमती निलुले नयाँ स्थानमा सारिएको ललित कृष्णको प्रतिमा अनावरण गरेकी थिइन् । सन् २०१५ मा भैसेपाटीस्थित निवासमा विद्युत करेन्ट लागेर ललित कृष्णको निधन भएको थियो । 

कार्यक्रममा एन्फाका वर्तमान अध्यक्ष कर्मा छिरिङ शेर्पा, वरिष्ठ उपाध्यक्ष पंकज विक्रम नेम्वाङसहितले ललित कृष्णप्रति श्रद्धाञ्जली अर्पण गरेका थिए । 

---