एसियन प्लेट च्याम्पियनशीपका लागि स्केटबोर्ड प्रतियोगिता हुने

काठमाडौँ -  थाइल्यान्डमा हुने एसियन प्लेट च्याम्पियनशीपका लागि खेलाडी छनोट गर्ने उदेश्यले पाँचौं राष्ट्रिय स्केटबोर्ड प्रतियोगिता पोखरामा आयोजना हुने भएको छ । नेपाल स्केटिङ एन्ड स्केट बोर्डिङ संघले असार ६ र ७ गते प्रतियोगिता आयोजना हुने पत्रकार सम्मेलनमार्फत जानकारी गराएको हो । 

प्रतियोगिता पोखरा रंगशालामा रहेको अन्नपूर्ण स्केटपार्कमा आयोजना हुने छ र यसमा १ सय पुरुष र ३० जना महिला खेलाडीको सहभागिता रहने संघका अध्यक्ष अच्युत खनालले जानकारी गराए । 

---

प्रतियोगितामा महिला र पुरुषको स्ट्रीट स्केटबोर्ड र पार्क स्केटबोर्ड विधामा प्रतिस्पर्धा छ । महिला र पुरुष दुबैतर्फको विजेताले थाइल्यान्डमा अगस्टमा हुने एसियन प्लेट च्याम्पियनशीपमा सहभागिता जनाउने खनालले जानकारी गराए । 

दुबैतर्फको विजेताले १५ हजार, उपविजेताले १० हजार र तेस्रो हुनेले ५ हजार पाउने छन् ।