नाटेला जालामिज्देः जसले विम्बल्डन खेल्न देश नै परिवर्तन गरिन्

काठमाडौँ – रुसी टेनिस खेलाडी नाटेला जालामिज्देले इंग्ल्यान्डमा हुने विम्बल्डन खेल्नका लागि जर्जियाको नागरिक बनेकी छन् । विम्बल्डनमा रुसको खेलाडीलाई प्रतिवन्ध लगाएपनि मस्कोमा जन्मिएकी नाटेलाले विम्बल्डन खेल्ने भएकी हुन् । 

रोयटर्सले जनाए अनुसार नाटेलाले राष्ट्रियता परिवर्तन गरी जर्जियाको प्रतिनिधित्व गर्दै महिलाको युगल विधातर्फ प्रतिस्पर्धा गर्ने भएकी छन् । उनको पार्टनरमा सर्वियाकी अलेक्सान्द्रा क्रुनिक रहेकी छन् ।

---

रुसले युक्रेनमाथि सैन्य आक्रमण गरेपछि विम्बल्डनले रुसी र बेलारुसका खेलाडमाथि प्रतिवन्ध लगाएको थियो तर उसले देश नै परिवर्तन गरेका खेलाडीलाई खेल्नबाट रोक्न नसकिने जनाएको छ ।