एकसय मिटर ब्याकस्ट्रोकमा विश्व कीर्तिमान कायम

काठमाडौँ – इटालीका थोमस सेकोनले पौडीतर्फ पुरुषको १०० मिटर ब्याकस्ट्रोकमा विश्व कीर्तिमान कायम गरेका छन् । हंगेरीको बुडापेस्टमा जारी विश्व च्याम्पियनसीप अन्तर्गत थोमसले विश्व कीर्तिमान कायम गरेका हुन् । 

२१ वर्षीय थोमसले ५१.६० सेकेन्डमा निर्धारित दूरी पुरा गर्दै उपाधि जित्दै विश्व कीर्तिमान कायम गरे । उनले र्‍यान मर्फीले यस अघि कायम गरेको कीर्तिमान भन्दा ०.२५ सेकेन्ड कम समयमा उक्त दूरी पुरा गरे । सन् २०१६ देखि यो कीर्तिमान चार पटकका ओलम्पिक च्याम्पियन मर्फीको नाममा रहेको थियो ।

---

अमेरिकन पौडी खेलाडी मर्फी भने यस प्रतिस्पर्धामा दोस्रो हन्टर आर्मस्ट्रङ तेस्रो भए ।