विम्बल्डनः सेमिफाइनलमा जोकोभिचले नोरीविरुद्ध खेल्ने

काठमाडौँ – जानिक सिनरमाथि रोमाञ्चक जित हात पार्दै नोभाक जोकाभिच विम्बल्डन टेनिसको सेमिफाइनलमा प्रवेश गरेका छन् । ६ पटकका विजेता सर्वियन खेलाडी जोकोभिचले इटालीका सिनरलाई ३-२ को सेटमा पराजित गरे । 

सिनरले पहिलो सेट ७-५ ले जित्दै जोकाभिचमाथि दबाब बनाएका थिए । त्यसपछि सिनरले दोस्रो सेट ६-२ ले जितेपछि खेलमा हावी भएका थिए । 

---

तर जोकोभिचले भने बाँकी तीनवटै सेट जित्दै अन्तिम चारको यात्रा तय गरे । उनले तेस्रो सेट ६-३, चौथों सेट ६-२ र पाँचौं सेट ६-२ ले जित्दै अघिल्लो चरणको यात्रा सुनिश्चित गरे । 

जोकोभिचले फाइनल प्रवेशका लागि अब इंग्ल्यान्डका क्यामेरोन नोरीको सामना गर्नेछन् । नोरीले क्वार्टरफाइनलमा बेल्जियमका डेभिड गोफिनलाई ३-६, ७-५, २-६, ६-३ र ७-५ को सेटमा पराजित गरे ।