म्यानचेस्टर युनाइटेडलाई ब्रुनो फर्नान्डेजकै भर

काठमाडौँ: यस सिजन म्यानचेस्टर युनाइटेडले आफ्नो प्रदर्शनमा एकरुपता देखाएको छैन । कमजोर भनिएका टिमसँग अनपेक्षित गोल खाने गरेको छ भने ठूला टिमविरुद्ध जित निकाल्न सकेको छैन । कतिपय अवस्थामा युनाइटेड रणनीति नै नभएको टिम जस्तो देखिन्छ । त्यस्तो अवस्थामा युनाइटेडलाई उद्दार गर्न ब्रुनो फर्नान्डेज हुन्छन् । प्रिमियर लिगमा आइतबार पनि उनै फर्नान्डेजले ब्राइटनसँगको खेलमा युनाइटेडलाई जिताए । त्यो पनि एक गोलले पछि परिसकेको अवस्थामा । 

यस सिजन युनाइटेडले कुनै पनि खेलमा पुनरागम गरेको यो पहिलो पटक होइन । युनाइटेडले यस सिजन कयौँ खेलमा पुनरागमन गर्दै कुल २५ अंक बटुलेको छ । हो, युनाइटेड हाल लिगको दोस्रो स्थानमा छ । तर फर्नान्डेजबिना युनाइटेडको अवस्था फरक हुनेथियो । 

---

ब्राइटेनले खेलको पहिलो गोल ग¥यो । गोल गनेृ खेलाडी थिए युनाइटेड कै पूर्व स्ट्राइकर ड्यानी वेलब्याक । उनले १३ औँ मिनेटमा गोल गर्दै ब्राइटनलाई अघि बढाए । युनाइटेडले पहिलो हाफमा गोल त खायो नै, विपक्षीको पोस्टमा खासै गतिालो आक्रमण गर्न सकेन । पहिलो ४५ मिनेटमा युनाइटेडको नाममा एउटै पनि ‘सट अन टार्गेट रहेन’ । अन्तराष्ट्रिय ब्रेक अगाडि एफए कपबाट बाहिरिएको युनाइटेडका खेलाडी थकित देखिन्थे । एन्थोनी मार्सियल घाइते भएपछि पहिलो एघारमा परेका एडिन्सन काभानी फिक्का देखिए । 

त्यसकारण खेल परिवर्तन गर्ने जिम्मेवारी फर्नान्डेजकै थियो । दोस्रो हाफमा फर्नान्डेजले युनाइटेडको आक्रमणमको संख्या बढाए । ६२ औँ मिनेटमा फर्नान्डेजकै उत्कुष्ट पासमा मार्कस रासर्फोडले गोल फर्काए । फर्नान्डेजको ब्राइटनसँगको खेलमा सहित लिगमा ११ असिस्ट प्रदान गरिसकेका छन् । फेरि एक पटक निर्णायक भूमिका खेलेका फर्नान्डेज बिना युनाइटेड शीर्ष चारमा रहने सम्भावना हुन्थ्यो ? प्रश्न उठ्छ । 

युनाइटेडका लागि अर्को गोल मेसन ग्रिनउडले गरे । १९ वर्षिय विङ्गरका लागि पास उपलब्ध नगराए पनि ग्रिनउडको गोलमा फर्नान्डेजको पनि योगदान थियो ।
खेलपछि ग्रिनउडले आफूहरु खेल दौरान नअत्तालिएको प्रतिक्रिया दिए । ग्रिनउडले देखाएको आत्मविश्वास प्रशिक्षक ओले गनर सोल्स्यारकै देन हो । अनि फर्नान्डेजका उपस्थितीका कारण ग्रिनउड जस्ता खेलाडी आत्मविश्वासी देखिएका हुनसक्छन् ।