जोकोभिचलाई लगातार चौथों पटक विम्बल्डनको उपाधि

काठमाडौँ – नोभाक जोकोभिचले लगातार चौथों पटक विम्बल्डन टेनिसको उपाधि जितेका छन् । आइतबार राति सम्पन्न फाइनलमा निक किर्गियोसलाई पराजित गर्दै जोकोभिचले समग्रमा सातौं पटक विम्बल्डनको उपाधि जितका हुन् । जोकोभिचले फाइनल ४-६, ६-३, ६-४ र ७-६ (७-३) ले जिते ।  

कोभिडविरुद्धको खोपविवादका कारण अष्ट्रेलियन ओपन खेल्न गएका जोकोभिच अष्ट्रेलियाबाट डिपोर्ट भएपछि उनको यो पहिलो ग्रान्ड स्लाम उपाधि हो । समग्रमा भने जोकोभिचको यो २१ औँ ग्रान्ड स्लाम उपाधि हो ।

---

जोकोभिच सर्वाधिक ग्रान्ड स्लाम जित्ने खेलाडीको दोस्रो नम्बरमा रहेका छन् । शीर्ष स्थानमा रहेका राफयल नाडालले भने २२ पटक ग्रान्ड स्लाम जितेका छन् ।