काठमाडौँ : युरोपा लिग फुटबलमा म्यानचेस्टर युनाईटेडले शानदार जित निकालेको छ । बिहीबार राती भएको क्वाटरफाइनल अन्तर्गतको पहिलो लेगको खेलमा युनाईटेडले ग्रानाडामाथि २-० गोलको शानदार जित निकालेको हो । 

म्यान्युलाई जिताउन मार्कुस रसफोर्ड र ब्रुनो फर्नाण्डेजले गोल गरे । जितसँगै युनाईटेडले सेमीफाइन पुग्ने सम्भावना बलियो बनाएको छ । अर्को खेलमा आर्सनल भने बराबरीमा रोकिएको छ । बिहीबार राती भएको खेलमा आर्सनल स्लाभिया प्रगसँग एक-एक गोलको बराबरीमा रोकिएको हो ।

---

आर्सनलका लागि निकोलस पेपेले गोल गरेपनि खेलको अन्तिमतिर प्रगका टोमस होल्सले गोल गर्दै खेल बराबरीमा ल्याएका थिए ।