राष्ट्रिय च्याम्पियन स्यान्टु अष्ट्रेलिया जाँदै

काठमाडौँ- उच्च शिक्षाका लागि अष्ट्रेलिया जान लागेका टेबल टेनिस खेलाडी स्यान्टु श्रेष्ठलाई मंगलबार बिदाई गरिएको छ । राष्ट्रिय च्याम्पियन स्यान्टुलाई अखिल नेपाल टेबल टेनिस संघले मंगलबार बिदाई गरेको हो । 

लैनचौरस्थित टेबल टेनिस कभर्डहलमा संघका अध्यक्ष चतुरानन्द राजबैद्य, वरिष्ठ उपाध्यक्ष एवं काठमाडाैँ जिल्ला टेबल टेनिस संघका अध्यक्ष धर्ममान बज्राचार्य, प्रमुख प्रशिक्षक संजीवकुमार ढुङ्गेल, प्रशिक्षकहरू, खेलाडीहरु लगायतले बिदाई गरे ।

---

तीन पटकका च्याम्पियन स्यान्टुले दक्षिण एशियाली खेलकुदमा १ रजत र ३ कास्य पदक प्राप्त गर्न सफल भएको संघका वरिष्ठ उपाध्यक्ष एव काठमाडाैँ जिल्ला टेबल टेनिस संघका अध्यक्ष धर्ममान बज्राचार्यले जानकारी दिए ।