राष्ट्रिय खेलकुदको सचिवालय औपचारिक रूपमा शुभारम्भ

काठमाडौँ- पोखरामा रहेको नवौँ राष्ट्रिय खेलकुद प्रतियोगिता २०७९ को मुल आयोजक समितिको सचिवालय औपचारिक रूपमा शुभारम्भ गरिएको छ । सचिवालय आइतबारदेखि औपचारिक रूपमा शुभारम्भ गरिएको हो ।  

युवा तथा खेलकुद मन्त्री महेश्वर जंग गजहतराज, गण्डकी प्रदेशका मुख्यमन्त्री कृष्ण चन्द नेपाली पोखरेल तथा पोखरा महानगरपालिकाका मेयर धनराज आचार्यले संयुक्त रुपमा रिवन काटेर सचिवालयको औपचारिक सुभारम्भ गरेका हुन् ।

---

नवौँ राष्ट्रिय खेलकुद गण्डकी प्रदेशमा असोज २८ देखि कात्तिक ३ गतेसम्म संचालन हुने तालिका रहेको छ । जसमा दुई प्रदर्शनीसहित ३८ खेल समावेश गरिएका छन् ।