कास्कीबाट प्याराग्लाइडिङ खेलाडी छनोट

पोखरा। नवौं राष्ट्रिय खेलकुद प्रतियोगिताका लागि कास्कीबाट प्याराग्लाइडिङ खेलाडी छनोट भएका छन् । प्रतियोगिता प्रदेशबाट दुई छुट्टा–छुट्टै इभेन्टका लागि खेलाडी छनोट गरिएको नेपाल प्याराग्लाइडिङ तथा ह्याङग्लाइडिङ संघ गण्डकीका अध्यक्ष तथा प्रदेश खेलकुद परिषदका सदस्य वसन्तराज दवाडीले जानकारी दिए।

मेन्स क्रस कन्ट्रितर्फ विजय गौतम, युकेश गुरुङ, सुशील गुरुङ र शेर बहादुर गुरुङ रहेका छन् । सो इभेन्टमा आशिष थापाको नाम बैकल्पिकका रुपमा आएको जिल्ला खेलकुद विकास समितिकी कोषाध्यक्ष कन्चन थापाले बताईन् । त्यसैगरी मेन्स एकुररेसीतर्फ रिकी पोडे, सुमन थापा, अमित थापा, सागर नेपाली र हरि थापा छन् । सो इभेन्टमा विष्णु गौतम बैकल्पिकका रुपमा रहेका छन् ।

---

समग्रमा २ बैकल्पिक सहित महिला र पुरुष गरी १५ जनाको अन्तिम नामावली प्राप्त भएको उनले जानकारी दिईन् । महिलातर्फको क्रस कन्ट्रीमा त्रिशा श्रेष्ठ र सुष्मिता सुनुवार तथा महिला एक्युरेसीमा कृषु पौडेल र रितु श्रेष्ठ रहेका छन् । छनोट भएका खेलाडीहरुले भदौ १६ देखि १८ गते सम्म पोखरामा सञ्चालन हुने प्रदेशस्तरीय छनोटमा सहभागिता जनाउने जिल्ला खेलकुदका कार्यालय प्रमुख प्रकाश बरालले जनाएका छन् ।