अपहिल साईक्लिङ च्यालेन्जमा थापा प्रथम

मकवानपुर । हेटौंडा जेसिआईकाे आयोजनामा भएकाे अपहिल साईक्लिङ च्यालेन्जमा मानबहादुर थापा मगर प्रथम भएका छन् ।

मकवानपुरको हेटौंडा ५ सिंचाईटोलबाट मनकामना मन्दिरसम्म (५किमी) दुरीमा भएको अपहिल साईक्लिङ च्यालेन्ज प्रतियाेगितामा थापा मगरले १७ मिनेट ३९ सेकेन्डमा निर्धारित दुरी पूरा गर्दै प्रथम भएका हुन्।  

---

मकवानपुरगढी वडा नम्बर ४ स्थित धार्मिक स्थल मनकामना मन्दिरसम्म भएकाे प्रतियोगितामा शुशिम चित्रकारले १९ मिनेट ४०  सेकेन्डमा निर्धारित दुरी पार गर्दै  द्वितीय र प्रेम राजवंशीले २१ मिनेट २६ सेकेन्डमा दुरी पार गर्दै तृतीय भए। प्रतियाेगितामा  प्रथम, द्वितीय र तृतीय क्रमशः नगद क्रमश  ९ हजार ६ हजार र ३ हजार तथा मेडल र प्रमाण पत्र प्रदान गरिएको थियो। प्रतियाेगितामा १७ जना साईक्लिस्टहरुले सहभागिता जनाएका थिए ।