नाडालले भोगे पहिलो पराजय

काठमाडौँ- स्पेनिस टेनिस खेलाडी राफायल नाडालले सन् २०२२ मा ग्रान्ड स्लाम अन्तर्गत पहिलो पराजय भोगेको छ । युएस ओपनको चौथों चरणमा अमेरिकन खेलाडी फ्रान्सेस टियाफोइविरुद्धको खेलमा पराजित भएपछि नाडालले यस वर्ष खेलेका ग्रान्ड स्लाममा पहिलो हार बेहोरेको बीबीसीले जनाएका छन् ।

टियाफोइले चार पटकका च्याम्पियन नाडाललाई ६-४, ४-६, ६-४ र ६-३ को सेटमा स्तब्ध पारे । पराजयसँगै कीर्तिमानी २३ औँ पटक ग्रान्ड स्लाम जित्ने नाडालको लक्ष्यमा धक्का लागेको छ ।

---

नाडालले यस वर्ष ग्रान्ड स्लाम अन्तर्गत २२ खेलमा अपराजित रहेका थिए । सो क्रममा उनले अष्ट्रेलियन ओपन र फ्रेन्च ओपनको उपाधि हात पारेका थिए । पछिल्लो समय उनी पेटको समस्यासँग जुधिरहेका छन् ।