कुनै एक व्यक्तिका कारण क्रिकेटमा असर पर्न दिनु हुँदैन : चन्द

काठमाडौँ - नेपाल क्रिकेट संघ(क्यान) का अध्यक्ष चतुर बहादुर चन्दले कुनै एक व्यक्तिका कारण समग्र क्रिकेटमा असर पर्न दिन नहुने बताएका छन् । बिहीबार किर्तिपुरस्थीत टियु मैदानमा नवौं राष्ट्रिय खेलकुद अन्तर्गतको पुरुष क्रिकेट प्रतियोगिताको उद्घाटन कार्यक्रममा चन्दले क्रिकेट सामूहिक खेल भएकाले कुनै व्यक्तिमा पर्ने घटना परिघटनाले क्रिकेटमा बाधा पर्न नहुने बताए ।

नेपाली क्रिकेट टिमका कप्तान सन्दीप लामेछानेमाथि एक बालिकालाई बलात्कार गरेको भन्दै उजुरी परेको थियो । चन्दले क्रिकेट पूर्वाधारको विकासका लागि सरकारले धेरै सहयोग गरेको बताए ।

---

नवौं राष्ट्रिय खेलकुद अन्तर्गतको पुरुष क्रिकेट प्रतियोगिता बिहीबारबाट सुरु भएको हो ।