क्यानले निलम्बन गर्‍याे सन्दीपलाई

काठमाडौँ- नेपाल क्रिकेट संघ (क्यान) ले सन्दीप लामिछानेलाई राष्ट्रिय क्रिकेट टिमबाट निलम्बित गरेको छ ।

क्यानले आज (बिहीबार) एक विज्ञप्ती जारी गर्दै लामिछानेलाई राष्ट्रिय क्रिकेट टिमबाट निलम्बन गरेकाे जनाएकाे हाे । क्यानले प्रहरी वृत्तमा परेकाे जाहेरी र काठमाडौँ जिल्ला अदालतबाट अनुसन्धानका लागि पक्राउ पुर्जी जारी गरेपछि उनलाई टिमबाट निलम्बन गर्नु परेकाे विज्ञप्तीमा उल्लेख छ ।

---

सन्दीपविरुद्ध मंगलबार साँझ एक नाबालिगलाई बलात्कार गरेको भन्दै काठमाडौँ प्रहरीमा उजुरी छ । साे पछि प्रहरीले सन्दीपविरुद्ध पक्राउ पूर्जी जारी गर्न अदालतलाई निवेदन दिएको थियो ।

सन्दीप यतिबेला विदेशमा छन् । सामाजिक सञ्जालमार्फत सन्दीपको पीडित किशोरीसँग सम्पर्क भएको र भेटघाटपछि प्रलोभनमा पारेर बलात्कार गरेको जाहेरीमा उल्लेख गरिएको छ ।