साफ यु-१७ : नेपाल र श्रीलंका भिड्दै

काठमाडौँ - श्रीलंकामा जारी साफ यु १७ च्याम्पियनसिप फुटबलको सेमिफाइनलमा नेपालले आज घरेलु टोलीको सामना गर्दैछ । कोलम्बोको रेस कोर्स ग्राउण्डमा नेपालले राति सवा ८ बजे श्रीलंकाको सामना गर्नेछ । 

नेपाल श्रीलंकालाई हराउँदै फाइनल पुग्न चाहन्छ । श्रीलंका पनि नेपाललाई हराएर फाइनल यात्रा तय गर्न चाहन्छ । खेलको विजेताले फाइनलमा भारत र बंगलादेशबीचको विजेतासँग खेल्नेछ । 

---

फाइनल खेल बुधबार हुनेछ । नेपाल समूह ’बी’ को विजेता बन्दै सेमिफाइनलमा प्रवेश गरेको हो । नेपालले २ खेलमा ६ अंक जोडेको थियो । नेपालले पहिलो खेलमा भुटानलाई २–१ ले हराएको थियो भने दोस्रो खेलमा नेपालले भारतलाई ३–१ गोल अन्तरले हराएको थियो ।