नेपाल र कतार भिड्दै

काठमाडौँ - बहराइनमा जारी एएफसी यु–२० एशियन कप छनोटको दोस्रो खेलमा नेपालले आज कतारसँग प्रतिस्पर्धा गर्दैछ । शेख अलि बिन मोहमद अल खालिफा स्टेडियममा नेपालले बलियो टोली कतारको सामना गर्नेछ । 

नेपाल र कतारबीचको खेल राति पौने १२ बजे सुरु हुनेछ । कतारबिरुद्ध मैदान उत्रँदा नेपाल पहिलो जितको खोजिमा हुनेछ । 

---

पहिलो खेलमा नेपालले भुटानसँग २–० गोलको हार व्यहोरेको थियो । यता, कतार भने नेपाललाई हराएर प्रतियोगिताको सुखद् शुरुवात गर्ने योजनामा हुनेछ । 

त्यसैले बलियो टोली कतारविरुद्ध नेपाललाई सहज हुनेछैन । छनोटको समूह ’बी’ मा रहेको नेपाल र कतारले अंक जोड्न सकेको छैन । नेपाल पुछारमा रहदा कतार चौथो स्थानमा रहेको छ ।