पाकिस्तानले टी-ट्वान्टी सिरिज पनि जित्ला ?

काठमाडौँ : दक्षिण अफ्रिका र पाकिस्तानबीचको चौथो टी–ट्वान्टी क्रिकेट आज हुँदैछ । सेन्चुरियनमा बेलूकी सवा ६ बजेपछि सुरु हुने खेलमा पाकिस्तानलाई सिरिज जित्ने सुन्दर अवसर छ ।

चार खेलको सिरिजमा २–१ को अग्रता लिएको पाकिस्तानले आजको खेल जिते सिरिज ३-१ ले आफ्नो पक्षमा पार्नेछ । दक्षिण अफ्रिका भने सिरिज जोगाउन स्पष्ट जित निकालेर बराबरी गर्ने प्रयास गर्नेछ ।

---

पाकिस्तानका कप्तान बाबर अजाम उच्च फर्ममा छन् । उनले तेस्रो टी–ट्वान्टीमा विष्फोट ब्याटिङ गर्दै शतक बनाएका थिए । हालै एकदिवसीय क्रिकेटमा नम्बर एक ब्याट्सम्यान बनेका बाबर त्यही उत्साह ब्याटमा देखाइरहेका छन् ।

बाबरसँगै इमाम उल हक, फकहर जमान र मोहम्मद रिजवान पनि राम्रो लयमा देखिएका छन् । उच्च लयमा रहेको पाकिस्तानलाई रोक्न कठिन देखिएको दक्षिण अफ्रिका आफ्नो सबै ऊर्जा आजको खेलमा खर्च गर्नेछ । धेरैजसो खेलाडी आइपीएल खेल्न गएकाले अफ्रिकी टोली कमजोर छ । 

यसअघि भएको एकदिवसीय सिरिज पाकिस्तानले २-१ ले जितेको थियो ।