एलाजिबेथको अन्त्येष्टिअघि थप फुटबल खेलहरू स्थगित हुने

काठमाडौँ- बेलायती महारानी एलिजाबेथ द्वितियको अन्त्येष्टिअघि इंग्लिस प्रिमियर लिगका थप तीन खेल स्थगित हुने भएको छ । यसै हप्ताको लागि तय गरिएका खेलहरु स्थगित हुने भएको बीबीसीले जनाएको छ ।

चेल्सी र लिभरपुल, म्यानचेस्टर युनाइटेड र लिड्स युनाइटेड  तथा ब्राइटन र क्रिस्टल प्यालेसबीचको खेल स्थगित हुने भएको हो । महारानी एलिजाबेथको अन्त्येष्टि सेप्टेम्बर १९ मा हुने छ ।

---

तर सेप्टेम्बर १६ देखि १८ तारिखको बीचमा हुने अन्य खेलहरु भने हुने छन् । ब्राइटन र क्रिस्टलबीचको खेल शनिबार तथा अन्य दुई खेल आइतबारको लागि तय भएको थियो ।

यसैगरी, युरोपा लिग अन्तर्गत बिहीबारका लागि तय भएको आर्सनल र पीएसभी एन्डहोभेनबीचको खेल भने स्थगित गरिएको छ ।