एन्फाले ताेक्याे नेपाल-बंगलादेशबीच हुने मैत्रीपूर्ण खेलको टिकट मूल्य

काठमाडौँ- अखिल नेपाल फुटबल संघ (एन्फा) ले नेपाल र बंगलादेशबीच असोज ११ गते हुने मैत्रीपूर्ण खेलको टिकट मूल्य तोकेको छ ।

एन्फाले बिहीबार पत्रकार सम्मेलन मार्फत मैत्रीपूर्ण खेलका लागि सामान्य प्यारापिटतर्फ ५ सय र भिआइपीतर्फ १ हजारको टिकट दर निर्धारण गरिएको जानकारी गराएको हो ।

---

नेपाल र बंगलादेशबीच खेल त्रिपुरेश्वरस्थित दशरथ रंगशालामा असोज ११ गते साँझ ५:३० बजेबाट सुरु हुनेछ । खेल फिफा डेमा हुन लागेको हो । मैत्रीपूर्ण खेलका लागि उपाध्यक्ष विराज जंग शाही संयोजक तोकिएका छन् ।

एन्फाले जनाए अनुसार मैत्रीपूर्ण खेलको अनुमानित बजेट ४८ लाख ६५ हजार रुपैयाँ रहेको छ । मैत्रीपूर्ण खेलका लागि एन्फाले प्रदिप हुमागाईँले  नेपाली टोलीकाे कार्यवाहक प्रशिक्षक तोकिसकेको छ ।